Споменици на културата (цркви и манастири)

Velgosti.com

In order to view this object you need Flash Player 9+ support!

Мени

Најчитано

Температура

Clear 4 ^oC
Humidity: 61%
Wind: NE at 13 mph

Во охридско завеани бачила -добитокот во опасност

Во Велгошти и по новите неколку сантиметри снег нема проблеми но за својот добиток стравуваат селаните од охридските села Ливоишта и Свињишта, чии бачила останале завеани во планините.

Прочитај ја целата вест...

Велгошти повторно под снег

Велгошти денес осамна под дебела снежна покривка.Снегот почна да паѓа од синоќа па се до пладне со што го отежнува движењето на луѓето и возилата. Наврнаа повеќе од петнаесет сантиметри снег,а животот се одвива забавено и во зимски услови.

Прочитај ја целата вест...

Седумдневен бесплатен одмор за ракометарите во Охрид

Градоначалникот на Охрид , Александар Петрески , хероите од македонската ракометна репрезентација, кои го освоија петтото место на европското првенство и обезбедија учество во квалификациите за олимписките игри , како награда и почит, ги наградува со седумдневен бесплатен одмор во Охрид , заедно со нивните сопруги. Македонските спортски репрезентации секогаш доаѓале во Охрид , за да ги наполнат срцата , да...

Прочитај ја целата вест...

012

Споменици на културата (цркви и манастири)

Света Петка

На падините на ридот ,"Олмец" се наоѓа манастирот Света Петка. На средната страна од надворешниот дел на петтостраната апида е забележан следниот запис: "Света Петка. Изградена по повелба на цар султан Абдул Хамид.Помош на народот во времето на игуменот Наум Илиев. Во лето 1890 22мај".
Света Петка е едноброда базилика со две куполи.Иконостасот е нов, но има икони што се регистрирани како споменици на културата при Републицкиот завод за застита на спомениците ,меѓу кои е Богородица со Христа. Има киват од 1833 год. Под сегашната црква има остатоци од малтер на пештерска црква.
Црквата е проширена во 1922 год.за време на свештеникот од с.Велгошти Алексо Шокароски.Името на монахинјата Параскева ,односно Петка,на Балканот се појавило на кралот на Х и поцетокот на ХI век.Св.Петка (Параскева) е позната со својата чудотворна моќ за леченје на тешки заболуванја.
За градбата на манастирот Света петка има легенда вокоја се вели дека Велгоштани почнале да и градат црква во знак на благодарност кон светицата за добрите дела .Градбата почнала во близина на селото .Изграденото ноќта Света Петка го разурнала . Тоа се повторило и вториот ден ,па мајсторите третиот ден поставиле стража. На мајсторите им рекла дека ја урива градбата зошто тука не сака да и градат црква туку на местото каде што сега се наоѓа.

Св.Петка Некогаш

Св. Петка Денес

Св. Илија

Свети Илија На околу еден километар североисточно од Велгошти на една висорамнина се наоѓа манастирот Свети Илија. Над вратата од внатрешната страна на црквата се наоѓа следниов запис: "По иницијатива на покојнија Алексо Стефанов Шокаров од селото Велгоштe подигнат је овај храм во 1937 год. а по иницијатива на сегашнија енориски свештеник од селото Велгоште Леонид Јованов Трпенов изработени се : иконостасот живописот на иконостасот и живописот на црковниот зид во 1946 година.
Црквата е обновена во 1970 год. со помош на населението на Велгошти а по иницијатива на црковниот одбор : игумен Исак Смаќоски и црковен благајник Славе Буџакоски.Манастирот е изграден врз темелите на една постара црква,која ја имала скоро истата големина ,а две икони (северната и јужната врата), фреската "Вознесение Христово" и ликот на свети Илија над вратата пред влезот се од Ѓорѓи Крстески.Црквата свети Илија се отвара двапати годишно на Ѓурѓовден и на Илинден.На двата празника се врши богослужба одвечер и дента. На Ѓурѓовден доаѓаат Велгоштани , а на Илинден на излет доаѓаат и од околните места.Од Св.Илија Охрид се гледа како на дланка , и моментално е едно од најомилените излетнички места на Велгоштани.

Свети Kлимент (Сети Пантелемон)

Свети Климент или помалку користеното Свети Пантелејмон е главната селска црква во охридското Велгошти. Таа воедно е и главна парохоска црква на Велгошката парохија. Црквата е изградена во 1872 година. Делумно фрескоживописана е во 1944 година од страна на зографот Коста Иванов од Тресонче, а останатите делови во 1982 година, од страна на уметникот Марјан Ристески од Велгошти. Црквата преставува тробродна базилика. Има полукружна апсида. Внатрешниот дел на покривот е сводест. Целиот иконостас е споменик на културата. Во црквата се наоѓа следниов запис:

„Живописот е изработен во 1944 година од Коста К. Иванов иконописец од с. Тресонце , Дебарско,за време на инорискиот свештеник Леонит Ив. Трпенов со милоста божја . Мат.помош благочест на Христа од с. Велгошти“

Свети Димитрија

Околу 500 метри југоисточно од центарот на Велгошти е месноста "Свети Димитрија" Таму некогаш имало црква посветена на светецот Димитрија. Поради тоа на тоа место во поново време е изградена минијатурна капела. На Митровден Велгоштани и Охриѓани ја посетуваат палат свеќи и носат подароци.

Црква "Свети великомаченик Димитриј" - изградена во 1983 година, и осветена во истата година од Митрополитот Дебарско-кичевски г. Тимотеј.

Во Велгошти има уште многу цркви и црквички: Света Недела ,Свети Никола

Света Недела

Црква "Света великомаченичка Недела" - камен-темелник осветен и поставен во 1981 година, а осветена е во 1987 година од страна на Митрополитот Дебарско-кичевски г. Тимотеј. Фрескоживописана е делумно од уметникот Драган Ристески од Охрид, а делумно од

Марјан Ристески од село Велгошти.

Свети Никола

црква "Свети Никола"- камен-темелник осветен и поставен на 22. V 1995 година, а осветена е на 20. V 2007 година од страна на Митрополитот Дебарско-кичевски г. Тимотеј. Фрескоживописот е дело на уметникот Марјан Ристески.